मराठी नाटकांचे प्रयोग अधिकाधिक प्रेक्षकांपर्यंत पोहोचावेत आणि मराठी रंगभूमीला नवे व्यासपीठ मिळावे, या उद्देशाने वरळी येथील नेहरू सेंटरमध्ये मराठी नाटकांचे प्रयोग वाढवण्याचा निर्णय घेण्यात आला आहे. नेहरू सेंटरची नाट्यप्रयोगांसाठीची उत्तम वास्तू असूनही येथे मराठी नाटकांचे प्रयोग तुलनेने कमी होत असल्याची खंत व्यक्त करण्यात आली होती. याच पार्श्वभूमीवर अखिल भारतीय मराठी नाट्यपरिषद आणि नेहरू सेंटर च्या संयुक्त विद्यमाने आता मराठी नाटकांचे प्रयोग दर रविवारी दुपारी ३.३० वाजता नेहरू सेंटरमध्ये आयोजित केले जाणार आहेत.