अख्ख्या घराची जबाबदारी एकट्याच्या खांद्यावर होती. एकमेव कमावता मुलगा. डिलिव्हरी बॉयचं काम करायचा. महिनाभर विश्रांतीनंतर घराची जबाबदारी असल्यानं तो पुन्हा कामावर. कामाचा पहिलाच दिवस त्याच्या आयुष्यातील अखेरचा दिवस ठरला. ऑर्डर पोहोचवण्यासाठी गेलेल्या सूरजचा अपघात झाला. .उल्हासनगरच्या कॅम्प नंबर ४ मधील महादेव नगर परिसरात गुरुवारी सकाळी हा भीषण अपघात झाला. डिलिव्हरी बॉयचं काम करणारा ३२ वर्षीय सूरज ऑर्डर पोहोचवण्यासाठी गेला. एका ट्रकच्या बाजूने जात असताना त्याची दुचाकी घसरली आणि तो खाली पडला.