'एससीओ' परिषदेसाठी भारतात आलेल्या पाकिस्तानी मंत्री मुसादिक मलिक यांचा दौरा केवळ बहुपक्षीय बैठकीपुरताच मर्यादित राहणार आहे. ताजमहल आणि हजरत निजामुद्दीन दर्ग्याला भेट देण्यास त्यांना परवानगी नाकारण्यात आल्याची माहिती सूत्रांनी दिली आहे. दुसरीकडे, या दौऱ्यावरून राजकीय वर्तुळातूनही प्रतिक्रिया उमटू लागल्या आहेत. पाकिस्तानचे संघीय मंत्री मुसादिक मलिक हे 'एससीओ सिविलायझेशनल डायलॉग फोरम'मध्ये सहभागी होण्यासाठी नवी दिल्लीत दाखल झाले आहेत. सूत्रांनुसार, त्यांना केवळ या बहुपक्षीय परिषदेत हजेरी लावण्यासाठीच भारताचा व्हिसा देण्यात आला आहे.