இயக்குநர் மிஷ்கின் தன்னை தொட்டு பேசியதால் தான் முகம் சுளித்ததாக எழுந்த குற்றச்சாட்டிற்கு நடிகை கீர்த்தி சுரேஷ் விளக்கமளித்துள்ளார். இயக்குநர் மிஷ்கின் தன்னைத் தொட்டுப் பேசியபோது அசௌகரியமாக உணர்ந்ததாக சமூக வலைதளங்களில் எழுந்த விமர்சனத்துக்கு நடிகை கீர்த்தி சுரேஷ் பதிலளித்துள்ளார். மேலும், திரைப்படங்களில் நடிப்பதையும் பொதுவெளியில் ஒருவருடன் பழகுவதையும் ஒப்பிட்டுப் பேசுவது தவறு என்றும் அவர் சுட்டிக்காட்டியுள்ளார். விஜய் இயக்கத்தில் கீர்த்தி சுரேஷ், மிஷ்கின் இணைந்து நடித்துள்ள திரைப்படம் ‘சத்தியவான் சாவித்திரி’. ஜீ ஸ்டூடியோஸ் தயாரித்துள்ள இப்படத்திற்கு சாம் சி.எஸ் இசையமைத்துள்ளார். கீர்த்தி சுரேஷ் வழக்கறிஞராகவும், மிஷ்கின் முக்கிய கதாபாத்திரத்திலும் நடித்துள்ளனர். நவம்பர் 20ஆம் தேதி படம் திரையரங்குகளில் வெளியாகிறது.