Vijay Wadettiwar : मुंबईतील वाढती लोकसंख्या, विस्तारणारे एमएमआरडीए क्षेत्र आणि त्यासाठी होत असलेली जंगलतोड, तसेच भाजप आमदार महेश बालगी यांना झालेली शिक्षा या मुद्द्यांवरून काँग्रेस नेते विजय वडेट्टीवार यांनी राज्य सरकारवर निशाणा साधला. नागपूर येथे शुक्रवारी, २० नोव्हेंबर रोजी पत्रकारांशी संवाद साधताना त्यांनी सरकारच्या भूमिकेवर प्रश्नचिन्ह उपस्थित केले. कायद्याची अंमलबजावणी करताना सत्ताधारी आणि विरोधक असा भेदभाव का केला जातो? असा सवाल त्यांनी उपस्थित केला.