Nagpur News : नागपूर आणि भंडारा जिल्ह्यात रेती माफियांविरोधात ईडीने मोठी कारवाई करत १६ कोटी रुपयांची मालमत्ता जप्त केली. अवैध रेती उत्खनन आणि आर्थिक गैरव्यवहार प्रकरणी झालेल्या या कारवाईमुळे रेती माफियांमध्ये खळबळ उडाली आहे. जप्त केलेल्या मालमत्तांमध्ये आलिशान वाहने, जमिनीचे भूखंड, इमारती, फ्लॅट,व्यावसायिक दुकाने आणि फार्महाऊस यांचा समावेश आहे. ईडीच्या तपासात अवैध रेती उत्खननातून मिळालेल्या गुन्हेगारी उत्पन्नाचा वापर करून संघटित सिंडिकेटने या मालमत्ता प्रत्यक्ष किंवा अप्रत्यक्षपणे खरेदी केल्याचे समोर आले आहे.