కార్తిగై దీపం మహోత్సవాల సందర్భంగా అరుణాచలం (తిరువణ్ణామలై) వెళ్లే భక్తుల కోసం రైల్వే శాఖ ప్రత్యేక రైళ్లను ప్రకటించింది. విశాఖపట్నం.. విశాఖపట్నం-తిరువణ్ణామలై స్పెషల్ ట్రైన్ (నంబర్ 08579) నవంబరు 22వ తేదీ (ఆదివారం) రాత్రి 11.50 గంటలకు విశాఖపట్నంలో బయలుదేరి, మరుసటి రోజు సాయంత్రం 5.50 గంటలకు తిరువణ్ణామలై చేరుకుంటుంది. తిరుగు ప్రయాణంలో ఈ రైలు (నంబర్ 08580) నవంబరు 23వ తేదీ (సోమవారం) రాత్రి 9.00 గంటలకు తిరువణ్ణామలైలో బయలుదేరి, నవంబరు 24 మధ్యాహ్నం 2.00 గంటలకు విశాఖ చేరుకుంటుంది.