ఎల్నీనో ఎఫెక్ట్తో హైదరాబాద్ నగరానికి తాగు నీటి అవసరాలను అందిస్తున్న సింగూరు- మంజీరా నీటి లభ్యత తగ్గుతున్న నేపథ్యంలో ప్రత్యామ్నాయ ఏర్పాట్లు వేగవంతం చేసింది జలమండలి. రెండు రోజుల్లో గోదావరి అదనపు జలాల అనుసంధాన పనుల పూర్తి చేయాలనే లక్ష్యాన్ని పెట్టుకుంది. ఈ గోదావరి జాలాల తరలింపు విజయవంతమైతే ఈ వేసవితో హైదారాబాదీలకు నీటి కష్టాలు తగ్గనున్నాయి. హైదరాబాద్ మహానగరానికి తాగునీటి సరఫరాలో అంతరాయాలు తలెత్తకుండా సింగూరు- మంజీరా జలాలకు ప్రత్యామ్నాయంగా గోదావరి అదనపు జలాలను తరలించేందుకు జలమండలి చేపట్టిన పనులు తుది దశకు చేరుకున్నాయి.