शिवसेना पक्ष आणि चिन्ह प्रकरणाचा सर्वोच्च न्यायालयातील निकाल फेब्रुवारीच्या पहिल्या आठवड्यात लागणार असल्याचा अंदाज संजय राऊत यांनी वर्तवला आहे. कपिल सिब्बल यांच्या युक्तिवादाचे समर्थन करत राऊत यांनी भाजपवर टीका केली. लोकशाहीला धोका असून, योग्य निकाल आल्यास भविष्यात असे प्रकार घडणार नाहीत, अशी आशा त्यांनी व्यक्त केली. शिवसेना पक्ष आणि चिन्ह यावर सुनावणी अंतिम टप्प्यात आली आहे. बुधवार किंवा गुरुवारी ही सुनावणी संपणार आहे.