स्वीटी भागवतमुंबई : मुंबई मोनोरेलची सेवा यावर्षीअखेर पुन्हा सुरू होण्याची शक्यता धूसर आहे. प्रवासी वाहतूक पुन्हा सुरू करण्यापूर्वी एमएमआरडीएने सावध भूमिका घेतली. विशेषतः उन्नत मार्गिकांच्या दोन मार्गांमधील अंतरासंदर्भात आयआयटी मुंबईने सुचवलेल्या सुरक्षा उपायांची अंमलबजावणी होणे बाकी आहे. प्रवाशांच्या सुरक्षिततेसाठी तसेच एखादी ट्रेन स्थानकांदरम्यान अडकली तर आपत्कालीन बचावकार्य सुलभ होण्यासाठी या दोन मार्गिकांमधील अंतर भरून काढणे आवश्यक आहे.