Travel: सुट्टीत नेहमीच्या पर्यटनस्थळांपेक्षा काहीतरी वेगळं अनुभवायचं असेल तर याठिकाणाला नक्की भेट द्या. ढगांच्या कुशीत वसलेलं हे सुंदर हिल स्टेशन आहे. महाराष्ट्रात फिरण्यासाठी अनेक प्रसिद्ध पर्यटनस्थळं आहेत. मात्र, गर्दीपासून दूर निसर्गाच्या सान्निध्यात काही दिवस शांतपणे घालवायचे असतील, तर नंदुरबार जिल्ह्यातील तोरणमाळ हा उत्तम पर्याय ठरू शकतो. सातपुडा पर्वतरांगांमध्ये वसलेलं हे सुंदर हिल स्टेशन हिरव्यागार डोंगरांनी, खोल दऱ्यांनी, सुंदर तलावांनी आणि धबधब्यांनी नटलेलं आहे.