సినిమా ఇండస్ట్రీలోకి రావాలంటే అందం, అభినయం మాత్రమే కాదు.. ఎన్నో సవాళ్లను ఎదుర్కోవాల్సి ఉంటుంది. ముఖ్యంగా కుటుంబ సభ్యుల అంగీకారం లేకపోయినా తమ కలను నిజం చేసుకోవడానికి కొందరు ఎన్నో కష్టాలు పడుతుంటారు. అలాంటి వారిలో టాలీవుడ్ నటి కామాక్షి భాస్కర్ల ఒకరు. ప్రస్తుతం నటిగా మంచి గుర్తింపు తెచ్చుకుంటున్న ఈ బ్యూటీ ప్రయాణం వెనుక ఎన్నో ఆసక్తికరమైన విషయాలు ఉన్నాయి. ముఖ్యంగా ఆమె మిస్ ఇండియా పోటీల్లో పాల్గొనడం కోసం చేసిన ప్రయత్నాలు ఇప్పుడు అందరి దృష్టిని ఆకర్షిస్తున్నాయి. చిన్నప్పటి నుంచే చదువులో ముందుండే ఆమె చైనాలో ఎంబీబీఎస్ పూర్తి చేశారు. అనంతరం హైదరాబాద్లోని అపోలో హాస్పిటల్స్లో కూడా పనిచేశారు.