వేలమంది విద్యార్థుల జీవితాలను తీర్చిదిద్ది.. వారిని శాస్త్రవేత్తలుగా, ఆవిష్కర్తలుగా, సంపద సృష్టికర్తలుగా, ఉన్నత స్థానాల్లో నిలిపిన గొప్ప గురువు రామయ్య మాస్టారు. కేవలం గణిత పాఠాలు చెప్పడమే కాకుండా, విద్యార్థుల్లో ఆలోచనా శక్తిని, క్రమశిక్షణను, సామాజిక బాధ్యతను పెంపొందించారు. విద్యను వ్యాపారంగా కాకుండా సమాజ అభివృద్ధికి పునాదిగా చూడాలన్న ఆయన ఆశయాలు నేటి తరానికి కూడా మార్గదర్శకంగా నిలుస్తున్నాయి.. ఉమ్మడి ఆంధ్రప్రదేశ్లో ఐఐటీ విద్యకు ప్రాచుర్యం కల్పించడంలో రామయ్య మాస్టారు కీలక పాత్ర పోషించారు. ఆయన దగ్గర శిక్షణ పొందిన దాదాపు 1,500 మంది విద్యార్థులు ఐఐటీల్లో ప్రవేశాలు సాధించి ఉన్నత విద్యను అభ్యసించారు.