માણાવદર વિધાનસભા બેઠકના ધારાસભ્ય અરવિંદ લાડાણીનો એક વીડિયો સોશિયલ મીડિયા પર વાયરલ થયો છે. જૂનાગઢ જિલ્લાના માણાવદરમાં રાજકીય વર્તુળોમાં ચકચાર મચાવતો એક કિસ્સો સામે આવ્યો છે. આ વીડિયોમાં ધારાસભ્ય એક બાઈક પર આવેલા પાટીદાર યુવક સાથે ઉગ્ર બોલાચાલી કરતા અને તેને ગાળો આપતા જોવા મળી રહ્યા છે. એટલું જ નહીં, યુવકને માર મારવા અને જાનથી મારી નાખવાની ધમકી આપવાના પણ ગંભીર આક્ષેપો થયા છે.