హైదరాబాద్ ఔటర్ రింగ్ రోడ్డుపై మరో రోడ్డు ప్రమాదం చోటుచేసుకుంది. కోకాపేట సమీపంలో శంషాబాద్ నుంచి వెళ్తున్న కారు లారీని బలంగా ఢీకొట్టింది. వెంటనే కారులో మంటలు చెలరేగి వాహనం పూర్తిగా దగ్ధమైంది. ORR Accident: హైదరాబాద్ నగర శివారులోని ఔటర్ రింగ్ రోడ్డుపై (ORR) భారీ అగ్నిప్రమాదం చోటుచేసుకుంది. కోకాపేట సమీపంలో ఓ కారు లారీని ఢీకొన్న తర్వాత ఒక్కసారిగా మంటలు చెలరేగాయి. క్షణాల్లోనే మంటలు కారు మొత్తం వ్యాపించడంతో వాహనం పూర్తిగా దగ్ధమైంది. ఈ ఘటనతో అటుగా వెళ్తున్న వాహనదారులు తీవ్ర ఆందోళనకు గురయ్యారు. అయితే కారులో ప్రయాణిస్తున్న ఇద్దరు వ్యక్తులు సురక్షితంగా బయటపడటంతో పెను ప్రమాదం తప్పింది.