કેન્દ્ર સરકાર દ્વારા સ્વદેશી ઉત્પાદનોને પ્રોત્સાહન આપવા માટે 'વોકલ ફોર લોકલ' અભિયાન ચલાવવામાં આવી રહ્યું છે, ત્યારે અમદાવાદ મ્યુનિસિપલ કોર્પોરેશન એટલે કે AMCના એક નિર્ણયને લઈને ચર્ચા શરૂ થઈ છે. અમદાવાદમાં નવી બની રહેલી હોસ્પિટલોમાં ઉપયોગ માટે ચીનની એજન્સી પાસેથી 10 જેટલાં મેડિકલ મશીન ખરીદવાનો નિર્ણય લેવામાં આવ્યો છે. મહત્વની વાત એ છે કે આ મશીનોની ખરીદી માટે અગાઉ ત્રણ વખત ટેન્ડર બહાર પાડવામાં આવ્યા હોવા છતાં એકપણ એજન્સીએ રસ દાખવ્યો નહોતો.