Nagpur Crime News : नागपूर आणि भंडारा जिल्ह्यात अवैध वाळू उत्खनन व वाहतुकीच्या माध्यमातून कोट्यवधींचे आर्थिक साम्राज्य उभारणाऱ्या वाळू तस्करांच्या टोळीला सक्तवसुली संचालनालयाने (ईडी) गुरुवारी, १९ नोव्हेंबर रोजी मोठा दणका दिला आहे. ईडीच्या नागपूर उपक्षेत्रीय कार्यालयाने या प्रकरणात मनी लाँडरिंग प्रतिबंधक कायदा (पीएमएलए) २००२ अंतर्गत सुमारे १६.२३ कोटी रुपयांची जंगम आणि स्थावर मालमत्ता जप्त केली आहे.