मुरबाड, ता. १९ (वार्ताहर) : भारतीय संविधानातील न्याय, स्वातंत्र्य, समता आणि बंधुता या मूल्यांचा जागर करण्यासाठी साप्ताहिक हर्ष किरणच्या वतीने गुरुवारी (ता. २६) शहापूर येथे संविधान गौरव दिन साजरा केला जाणार आहे. या निमित्ताने सामाजिक, शैक्षणिक आणि प्रशासकीय क्षेत्रात उल्लेखनीय कार्य करणाऱ्या अधिकारी व कर्मचाऱ्यांचा विशेष सन्मान करण्यात येणार आहे.कल्पना तारमळे यांच्या अध्यक्षतेखाली होणाऱ्या या कार्यक्रमाला प्रमुख मार्गदर्शक म्हणून डॉ. चारुलता धानके उपस्थित राहणार आहेत.