उल्हासनगर, ता. १९ (बातमीदार) : भारतीय संविधानाचे महत्त्व, संविधानिक मूल्यांचे रक्षण आणि सामाजिक न्यायाचा विचार जनमानसात पोहोचविण्यासाठी वंचित बहुजन आघाडीच्या वतीने बुधवारी (ता. २५) मुंबईतील शिवाजी पार्क येथे संविधान सन्मान महासभा होणार आहे. या महासभेसाठी उल्हासनगरातील पक्षाचे कार्यकर्ते स्वयंस्फूर्तीने आर्थिक योगदान देत आहेत. महिला अध्यक्षा रेखा उबाळे आणि उपाध्यक्ष वंदना अवचार या पावती पुस्तकाद्वारे देणगी संकलन करत आहेत.