Drone Usage For Prevention of mosquitoes : దోమల నివారణకు వరంగల్ జీడబ్ల్యూఎంసీ డ్రోన్ అస్త్రాన్ని ప్రయోగించింది. నగరంలో మూడు రోజుల పాటు విజయవంతంగా ట్రయల్ రన్ను చేపట్టింది. ప్రతి ఇంట్లో దోమల పోరు తప్పకుండా ఉంటుంది. సాయంత్రం అయ్యిందంటే చాలు దోమలు ఇంట్లోకి దండయాత్ర మొదలుపెడతాయి. వీటి బెడదను తట్టుకోలేక ప్రజలు ఆల్ అవుట్, దోమల తెర, దోమల బ్యాట్ వంటివి వాడుతుంటారు. ప్రతి ఏటా ఎంతోమంది డెంగ్యూ, మలేరియా వంటి వ్యాధుల బారిన పడుతుంటారు. ప్రధానంగా వర్షాకాలం, శీతాకాలం సమయంలో ప్రజలు తీవ్ర ఇబ్బందులకు గురవుతున్నారు.