Hyderabad: గురుకుల, ఎస్సీ, ఎస్టీ, బీసీ, మైనారిటీ హాస్టళ్లలో నాణ్యమైన పౌష్టికాహారం అందించాలని కోరుతూ మేడ్చల్ కలెక్టర్ కార్యాలయంలో బీఎస్పీ నేతలు వినతిపత్రం ఇచ్చారు. హైదరాబాద్: ప్రభుత్వ గురుకుల, ఎస్సీ, ఎస్టీ, బీసీ, మైనారిటీ సంక్షేమ హాస్టళ్లలో విద్యార్థులకు నాణ్యమైన, పౌష్టికాహారం అందించాలని డిమాండ్ చేస్తూ బహుజన్ సమాజ్ పార్టీ (బీఎస్పీ) నాయకులు మేడ్చల్ జిల్లా కలెక్టర్ కార్యాలయంలో వినతిపత్రం సమర్పించారు. హాస్టళ్లలో విద్యార్థులకు పురుగులు ఉన్న అన్నం, నాణ్యత లేని కూరగాయలు, అపరిశుభ్రమైన ఆహారం, కలుషిత తాగునీరు అందుతున్నాయనే ఫిర్యాదులపై ఆందోళన వ్యక్తం చేశారు.