विनानोंदणी आणि अस्वच्छतेमुळे ८ आस्थापनांचा व्यवसाय तात्काळ बंद करण्यात आला असून स्वच्छतेच्या नियमांचे उल्लंघन करणाऱ्या ६ आस्थापनांचे परवाने तात्काळ निलंबित करण्यात आले आहेत. पुणे : नागरिकांना सुरक्षित आणि स्वच्छ अन्न मिळावे यासाठी अन्न व औषध प्रशासनाच्या (एफडीए) पुणे विभागाने (झोन-०२) 'सेफ फूड सेफ महाराष्ट्र' या मोहिमेअंतर्गत शिवाजीनगर येथील जे. रोड खाऊ गल्ली, जंगली महाराज मंदिरासमोर आणि एन.सी.आर. हॉटेल परिसरात धडक तपासणी मोहीम राबवली.