कालपर्यंत डोक्यावर छप्पर आणि घरात संसारोपयोगी वस्तू असलेल्या कुटुंबांच्या वाट्याला आता केवळ जळालेले अवशेष आले आहेत. पुणे : वीस वर्षांपासून जपलेला संसार... मुलांच्या भविष्यासाठी पै-पै जमवून घेतलेल्या वस्तू... हे सगळे एका आगीने क्षणात हिरावून घेतले. टिंबरमार्केट परिसरात लागलेल्या भीषण आगीने अनेक कुटुंबांचे आयुष्यच विस्कटून टाकले. 'होतं नव्हतं सगळं गेलं, आता पुन्हा काय आणि कसं उभं करायचं?' हा प्रश्न त्यांच्या डोळ्यांसमोर उभा आहे.या परिसरात काही कुटुंबे गेल्या वीस वर्षांपासून वास्तव्यास होती.