महापालिकेच्या सर्वसाधारण सभेत मंगळवारी सर्वपक्षीय नगरसेवकांनी अधिकारी हप्ते घेत असल्यामुळे शहरात अतिक्रमणे वाढत असल्याचा आरोप केला होता. पुणे : शहरातील अतिक्रमणांवरून सर्वपक्षीय नगरसेवकांनी महापालिकेच्या सर्वसाधारण सभेत प्रशासनाला धारेवर धरल्यानंतर प्रशासनाने हाती घेतलेल्या अतिक्रमण कारवाई तिसऱ्या दिवशीही कायम राहिली. काल एका दिवसात ५० हजार चौ. फूट अतिक्रमणे जमीनदोस्त करून हाँगकाँग लेनमधील ५७ स्टॉल सील करून ३० गॅस सिलिंडर जप्त केले. पुण्यातील फर्ग्युसन रोडवरील अतिक्रमण कारवाईनंतर आता महापालिकेचा बुलडोझर जंगली महाराज रस्त्यावर धडकला आहे.