ग्राहक निघून गेल्याची खात्री होताच भामटे पुन्हा एटीएममध्ये शिरून बॉक्समध्ये अडकवलेली रक्कम घेऊन पसार व्हायचे. लोकमत न्यूज नेटवर्क, मुंबई : एटीएममधून पैसे काढण्यासाठी आलेल्या ग्राहकांना गंडा घालण्यासाठी भामट्यांनी चक्क एटीएम मशीनलाच लुटीचे हत्यार बनवले. मशीनच्या रंगाशी मिळताजुळता कृत्रिम बॉक्स पैसे बाहेर पडण्याच्या जागेवर बसवून ग्राहकांची रक्कम त्यात अडकवली जात होती. व्यवहार पूर्ण होऊनही पैसे हातात न पडल्याने ग्राहक रिकाम्या हाती परतत होते.