Air Fest 2026 : भारतीय हवाई दलाच्या सूर्यकिरण एरोबॅटिक्स टीममधील काही विमाने 'एअर फेस्ट-२०२६'च्या पूर्वतयारीचा भाग म्हणून नागपुरात पोहोचली व त्यांच्या छोटेखानी सरावामुळे गुरुवारी, १९ नोव्हेंबर रोजी नागपूरकरांना हवाई कसरतींचा थरार अनुभवण्याची संधी मिळाली. नागपूर : गुरुवारी दुपारी दीडच्या सुमारास नागपूरकरांचे दैनंदिन काम सुरू असताना अचानक आकाशातून विमानांचा जोरदार आवाज घुमू लागला. क्षणातच लाल रंगाची विमाने आकाशात दिसू लागली आणि नागरिकांच्या नजरा आकाशाकडे वळल्या.