PM Modi: పొదుపు, ఆర్థిక క్రమశిక్షణలపై ప్రధాని నరేంద్రమోడీ కీలక వ్యాఖ్యలు చేశారు. గురువారం కేంద్ర మంత్రివర్గానికి కీలక సూచనలు చేశారు. భారతీయ సంస్కృతి పొదుపుపై ఆధారపడి ఉందని.. ‘‘తినడం, తాగడం, ఎంజాయ్ చేయడం’’ మన భారతీయ సంస్కృతి కాదని ప్రధాని అన్నారు. ప్రజలను పేదరికం నుంచి బయటకు తీసుకురావడంలో మనం సాధించిన పురోగతి, ఆర్థిక క్రమశిక్షణ లేకపోతే మళ్లీ ప్రమాద స్థితికి చేరుతామని మంత్రుల్ని హెచ్చరించారు. ప్రజల పొదుపును ప్రోత్సహించడం ఎంతో ముఖ్యమని ప్రధాని నొక్కిచెప్పారు..