રાજ્ય સરકાર તરફથી વડોદરામાં યુસુફ પઠાણને પ્લોટ ફાળવવાની દરખાસ્ત મોકલવામાં આવી હતી. આ દરખાસ્ત અંગે ગઇ કાલે યોજાયેલી વડોદરા મહાનગરપાલિકાની સામાન્ય સભામાં ચર્ચા કરવામાં આવી હતી. ચર્ચા દરમિયાન કોંગ્રેસના કોર્પોરેટર્સે દરખાસ્તનો ઉગ્ર વિરોધ કર્યો હતો. વડોદરા મહાનગરપાલિકાની સામાન્ય સભામાં પૂર્વ ક્રિકેટર અને તૃણમૂલ કોંગ્રેસના સાંસદ યુસુફ પઠાણને પ્લોટ ફાળવવાની દરખાસ્તને મંજૂરી આપવામાં આવી છે. કોંગ્રેસના કોર્પોરેટર્સના સતત વિરોધ અને હોબાળા વચ્ચે ભાજપે બહુમતીના જોરે આ દરખાસ્ત મંજૂર કરાવી હતી.