Dhule | स्वातंत्र्याची 79 वर्षे उलटली, तरी खैरखुंडा गावात लालपरीची प्रतीक्षाच स्वातंत्र्याची 79 वर्षे उलटूनही धुळे जिल्ह्यातील आदिवासी विद्यार्थ्यांचा शिक्षणासाठीचा संघर्ष थांबलेला नाही. साक्री तालुक्यातील अतिदुर्गम खैरखुंडा आणि परिसरातील चार पाड्यांतील विद्यार्थ्यांना शाळा-महाविद्यालयात जाण्यासाठी दररोज चार ते सहा किलोमीटरची पायपीट करावी लागत आहे. गावापर्यंत एसटी बस पोहोचत नसल्याने विद्यार्थ्यांचे शैक्षणिक नुकसान होत असून, काहींना शिक्षण सोडण्याची वेळही येत आहे.