उत्तर प्रदेश up road accident उत्तर प्रदेशात दोन वेगवेगळ्या ठिकाणी झालेल्या भीषण रस्ते अपघातांमुळे खळबळ उडाली आहे. बलरामपूर जिल्ह्यात १८ नोव्हेंबरच्या मध्यरात्री दोन दुचाकींची समोरासमोर जोरदार धडक होऊन पाच जणांचा मृत्यू झाला, तर दोघे गंभीर जखमी झाले आहेत. जखमींना पुढील उपचारांसाठी लखनऊ येथे हलविण्यात आले आहे. दुसरीकडे, बाराबंकी येथे भरधाव कारने पुढे जाणाऱ्या डीसीएम वाहनाला मागून धडक दिल्यानंतर कारने पेट घेतला. सुदैवाने, कारमधील पाचही प्रवाशांनी वेळीच बाहेर पडून आपला जीव वाचवला.