मुंबई maharashtra cesarean delivery rate महाराष्ट्रात सिझेरियन प्रसूतींचे वाढते प्रमाण आरोग्य विभागाच्या चिंतेचा विषय बनले आहे. विशेषतः सरकारी रुग्णालयांच्या तुलनेत खासगी रुग्णालयांमध्ये शस्त्रक्रियेद्वारे होणाऱ्या प्रसूतींचे प्रमाण अधिक असल्याचे सरकारी आकडेवारीतून स्पष्ट झाले आहे. या पार्श्वभूमीवर अनावश्यक सिझेरियन प्रसूतींना आळा घालण्यासाठी राज्यातील सार्वजनिक आरोग्य संस्थांमध्ये सिझेरियन प्रसूतींचे नियमित लेखापरीक्षण करण्याचे निर्देश सार्वजनिक आरोग्य विभागाने दिले आहेत.