लग्न समारंभातच तरुणाचा खून; धारदार शस्त्राने हल्ला, १५ जण ताब्यात. जळगाव : अमळनेर येथून दोन दिवसांपूर्वीच गावी आलेल्या प्रेम गोपाल धनगर (२१) या तरुणावर धारदार शस्त्राने वार करून त्याचा खून करण्यात आला. ही घटना बुधवारी बोरनार येथे लग्नसमारंभात घडली. याप्रकरणी पोलिसांनी १५ संशयितांना चौकशीसाठी ताब्यात घेतले आहे. रात्री उशिरापर्यंत पोलिसात गुन्हा दाखल करण्याचे काम सुरू होते.तालुक्यातील बोरनार येथे प्रेम धनगर हा आई-वडिलांसह राहत होता. काही महिन्यांपासून तो कामानिमित्त अमळनेर येथे गेला होता.