சென்னை: புனித தோமையர் மலை காவல் மாவட்டம் ஆதம்பாக்கத்தில் கடந்த 17-ம் தேதி போலீஸார் அதிரடி தேடுதல் வேட்டையில் ஈடுபட்டனர். ஈகிள் ஷோரூம், தில்லை கங்கா நகர. ஈகிள் ஷோரூம், தில்லை கங்கா நகர் காவல் உதவி மையம், இ.பி. காலனி காவல் உதவி மையம் உள்ளிட்ட பகுதிகளில் போலீஸார் தீவிர சோதனை நடத்தினர். இதில் 390 வாகனங்களை போலீஸார் தணிக்கை செய்தனர். சந்தேகத்திற்குரிய 32 வாகனங்களை நிறுத்தி விசாரணை மேற்கொண்டனர். மேலும், 35 சந்தேக நபர்களிடம் விசாரணை நடத்தப்பட்டதில், 21 பேரிடம் உரிய விசாரணை, அடையாள சரிபார்ப்பு மேற்கொள்ளப்பட்டு எச்சரிக்கை செய்து அனுப்பி வைக்கப்பட்டனர்.