உத்தரபிரதேசத்தில் சமாஜ்வாதியிடம் மூன்று இலக்கத்தில் தங்களுக்கு தொகுதிகள் ஒதுக்க வேண்டும் என்று காங்கிரஸ் வைத்த கோரிக்கையை அகிலேஷ் யாதவ் திட்டவட்டமாக மறுத்துள்ளார். நாடு முழுவதும் மிகப்பெரிய எதிர்பார்ப்பை உருவாக்கியிருப்பது உத்தரபிரதேச சட்டமன்ற தேர்தல். அடுத்தாண்டு ஜனவரி மாதம் உபி-க்கான தேர்தல் தேதி அறிவிக்கப்படும் என்று எதிர்பார்க்கப்படுகிறது. சமாஜ்வாதி - காங்கிரஸ்: உத்தரபிரதேசத்தில் பாஜக வலுவாக உள்ள நிலையில், எதிர்க்கட்சியான சமாஜ்வாதி காங்கிரசுடன் கூட்டணி வைக்க முடிவு செய்துள்ளது. காங்கிரஸ் கட்சி கடந்த முறை தனித்துப் போட்டியிட்டு 2 இடங்களில் மட்டுமே வெற்றி பெற்றது. ஆனாலும், மொத்தமாக போட்டியிட்ட 399 தொகுதிகளிலும் சேர்த்து 20 லட்சம் வாக்குகளைப் பெற்றனர்.