నీటితోపాటు విద్యుత్తును పొదుపుగా ఉపయోగించడం అందరి బాధ్యత అని వీబీ జీ రాంజీ ఏపీవో పార్థసారథి పేర్కొన్నారు. డోర్నకల్, న్యూస్టుడే: నీటితోపాటు విద్యుత్తును పొదుపుగా ఉపయోగించడం అందరి బాధ్యత అని వీబీ జీ రాంజీ ఏపీవో పార్థసారథి పేర్కొన్నారు. డోర్నకల్ మండలం సీతారాంపురం బంజరలో ‘ఎల్నినో ప్రభావం-తీసుకోవాల్సిన జాగ్రత్తల’పై గ్రామస్థులు, కూలీలు, ప్రజాప్రతినిధులతో ‘ఈనాడు-ఈటీవీ తెలంగాణ’ ఆధ్వర్యంలో బుధవారం నిర్వహించిన అవగాహన సదస్సులో ఆయన మాట్లాడారు. ఎల్నినో కారణంగా ఉష్ణోగ్రతలు పెరగడమే కాకుండా భూగర్భజలాలూ అడుగంటాయన్నారు. రానున్న రోజుల్లో నీటి కష్టాలు తలెత్తకుండా ఉండాలంటే జల సంరక్షణలో ప్రతి ఒక్కరూ భాగస్వాములు కావాలని పిలుపునిచ్చారు.