కళాశాలల క్రికెట్ పండగ.. ఈనాడు స్పోర్ట్స్ లీగ్ (ఈఎస్ఎల్)కు రంగం సిద్ధమైంది. కళాశాలల క్రికెటర్ల నైపుణ్యాన్ని వెలుగులోకి తీసుకొస్తూ.. గ్రామీణ ప్రాంతాల ప్రతిభావంతులకు వేదికగా నిలుస్తున్న ఈఎస్ఎల్ వేడుకకు సమయం ఆసన్నమైంది. డిసెంబరు 10న మొదలయ్యే సీఎమ్ఆర్ షాపింగ్ మాల్ సమర్పించు ఈఎస్ఎల్ క్రికెట్ టోర్నీకి దరఖాస్తు ప్రక్రియ ప్రారంభమైంది. కళాశాలల స్థాయిలో సంచలనాలు, రికార్డులతో చరిత్ర సృష్టించిన ఈఎస్ఎల్కు వేళైంది. ఈనాడు క్రికెట్ 16వ సీజన్కు నగారా మోగింది. సీనియర్స్ కేటగిరీలో డిగ్రీ, ఇంజినీరింగ్, మెడికల్, పీజీ, ఫార్మా కళాశాలలు ఈఎస్ఎల్లో పాల్గొనవచ్చు.