మహదేవపూర్ మండల కేంద్రంలోని కస్తూర్బా గాంధీ బాలికల విద్యాలయానికి సంబంధించిన బియ్యం అక్రమ నిల్వల వ్యవహారంపై ఎట్టకేలకు జిల్లా అధికార యంత్రాంగం కదిలింది. మహదేవపూర్, న్యూస్టుడే: మహదేవపూర్ మండల కేంద్రంలోని కస్తూర్బా గాంధీ బాలికల విద్యాలయానికి సంబంధించిన బియ్యం అక్రమ నిల్వల వ్యవహారంపై ఎట్టకేలకు జిల్లా అధికార యంత్రాంగం కదిలింది. మంగళవారం మహదేవపూర్ బట్టికొట్టు ప్రాంతంలోని ఓ ఇంట్లో క్వింటాళ్ల కొద్దీ బియ్యం బస్తాలు పట్టుబడటం, ఆపై వాటిని పాఠశాలకు తరలించి బాధ్యులపై చర్యలు తీసుకోకుండా వదిలేయడంతో సర్వత్రా తీవ్ర విమర్శలు వ్యక్తమయ్యాయి. ఈ నేపథ్యంలో బుధవారం రెవెన్యూ, పౌరసరఫరాల శాఖలు విచారణ చేపట్టాయి.