ದಕ್ಷಿಣ ಮುಂಬೈನ ಪಾಕ್ಮೋಡಿಯಾ ಸ್ಟ್ರೀಟ್ನಲ್ಲಿ ಹಜ್ ಯಾತ್ರಿಕರಿಗೆ ಆಶ್ರಯ ನೀಡುವ ಉದ್ದೇಶದಿಂದ ಸುಮಾರು 1939ರಲ್ಲಿ ನಿರ್ಮಿಸಲಾಗಿದ್ದ ‘ಹಾಜಿ ಇಸ್ಮಾಯಿಲ್ ಹಾಜಿ ಹಬೀಬ್ ಮುಸಾಫಿರ್ಖಾನಾ’ ತಾತ್ಕಾಲಿಕ ವಿಶ್ರಾಂತಿ ತಾಣವಾಗಿರಬೇಕಿತ್ತು. ಆದರೆ 5 ದಶಕಗಳ ಅವಧಿಯಲ್ಲಿ ಇದು ತಲೆಮರೆಸಿಕೊಂಡಿರುವ ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ಕಾರ್ಯಕೇಂದ್ರವಾಗಿ ಬದಲಾಯಿತು. ಇಂದು ಮುಂಬೈ ಮಹಾನಗರ ಪಾಲಿಕೆಯ ಬುಲ್ಡೋಜರ್ಗಳು ಈ ಕಟ್ಟಡದ ಮೊದಲ ಮಹಡಿಯಲ್ಲಿ ಉಳಿದಿರುವ ಕೊನೆಯ 10 ಕೊಠಡಿಗಳು ಮತ್ತು ವಿವಾದಿತ ನೆಲಮಹಡಿಯ ‘ಪ್ರಾರ್ಥನಾ ಮಂದಿರ’ವನ್ನು ನೆಲಸಮಗೊಳಿಸಲು ಆರಂಭಿಸಿವೆ. ರಸ್ತೆ ಯೋಜನೆಗಾಗಿ ಕೆಡವಬೇಕಾಗಿರುವ ಭೆಂಡಿ ಬಜಾರ್ನ ಈ ಶಿಥಿಲ ಕಟ್ಟಡವು ಭೂಗತ ಲೋಕದ ಕತೆಗಳ ಪಳೆಯುಳಿಕೆಯಾಗಿ ನಿಂತಿದೆ. ಈ ಆಸ್ತಿಯ ಮಾಲೀಕತ್ವವನ್ನು ನಿರ್ಧರಿಸಲು ಕಾನೂನು ಹೋರಾಟವೂ ನಡೆಯುತ್ತಿದೆ.