రాష్ట్ర ప్రజలకు ఏపీ విపత్తు నిర్వహణ సంస్థ కీలక సూచనలు జారీ చేసింది. బంగాళాఖాతంలో కేంద్రకృతమైన అక్వాన్ తీవ్ర తుఫాన్ శుక్రవారం మధ్యాహ్ననికి నరసాపురం- పూరీ మధ్య ఉత్తరాంధ్ర - దక్షిణ ఒడిశా తీరాలను దాటే అవకాశం ఉందని దీని ప్రభావంతో గురువారంలో రాష్ట్రంలోని కొన్ని ప్రాంతాల్లో భారీ వర్షాలు కురిసే ఛాన్స్ ఉందని తెలిపింది. దక్షిణమధ్య, దానికి ఆనుకుని ఉన్న పశ్చిమమధ్య బంగాళాఖాతంలో అక్వాన్ తీవ్ర తుపాను కొనసాగుతుందని రాష్ట్ర విపత్తుల నిర్వహణ సంస్థ(APSDMA) మేనేజింగ్ డైరెక్టర్, రియల్ టైమ్ గవర్నెన్స్ సొసైటీ (RTGS) సిఈవో ప్రఖర్ జైన్ తెలిపారు.