ஒவ்வொரு அரைகிலோ மீட்டர் தூரத்திற்கும் ஒரு கட்டுப்பாட்டு அறை, மருத்துவ முகாம் மற்றும் கண்காணிப்பு கோபுரங்கள் அமைக்கப்படும் - அமைச்சர் ரமேஷ். திருவண்ணாமலை கோயிலில் திருக்கார்த்திகை தீபத்திருவிழா பரணி தீபம் மற்றும் மகா தீபத்தை காண உள்ளூர் பக்தர்களுக்கு முக்கியத்துவம் அளிக்கப்படும் எனவும், கட்டணமின்றி பக்தர்களுக்கு இலவச தரிசனம் ஏற்பாடு செய்யப்பட்டுள்ளதாகவும் அறநிலையத்துறை அமைச்சர் ரமேஷ் தெரிவித்துள்ளார். திருவண்ணாமலை அண்ணாமலையார் கோயில் திருக்கார்த்திகை தீப திருவிழா கடந்த 15ஆம் தேதி அண்ணாமலையார் கோவில் கொடியேற்றத்துடன் தொடங்கி நடைபெற்று வருகிறது. திருக்கார்த்திகை தீபத் திருவிழாவிற்கு மேற்கொள்ள வேண்டிய முன்னேற்பாடுகள் குறித்து மாவட்ட ஆட்சியர் அலுவலகத்தில் நடைபெற்ற கூட்டத்தில் அறநிலையத்துறை அமைச்சர் ரமேஷ் பங்கேற்றார்.