மண்சரிவு பாதிப்பால் ரத்து செய்யப்பட்ட ரயில்சேவை 26 நாட்களுக்கு பின்னர் தொடங்கப்பட உள்ளதால் சுற்றுலா பயணிகள் மகிழ்ச்சி. நீலகிரி மலை ரெயில் சேவை நாளை முதல் தொடங்கப்படுமென ரெயில்வே நிர்வாகம் தரப்பில் தெரிவிக்கப்பட்டுள்ளது. மண்சரிவால் நிறுத்தப்பட்ட ரயில்சேவை கடந்த மாதம் கனமழையால் ஏற்பட்ட மண்சரிவு காரணமாக உதகை - மேட்டுப்பாளையம் இடையேயான ரயில் வழித்தடம் கடுமையாக பாதிக்கப்பட்டது. ரயில் வழித்தடமானது 50-க்கும் மேற்பட்ட இடங்களில் கடுமையாக சேதமடைந்திருந்ததன் காரணமாக அக்டோபர் 24 முதல் உதகை - மேட்டுப்பாளையம் இடையேயான ரயில் சேவை தற்காலிகமாக நிறுத்தப்பட்டது.