வழக்கமான சோதனை முறைகளால் தங்கத்தில் கலப்படம் செய்யப்பட்டிருப்பதை கண்டறிய இயலாது: சீனாவில் இருந்து வரவழைக்கப்படும் கலப்பட ரசாயனப்பொடி! தங்கத்தில் எளிதில் கண்டறியமுடியாத ரீனியம் எனும் ரசாயனப்பொடி கலக்கப்படுவதாக அதிர்ச்சியளிக்கும் தகவல் வெளியாகி உள்ளது. ஒரு சில தங்கத்தில் ரீனியம் எனும் ரசாயனப்பொடி கலக்கப்படுவதாகவும், இக்கலப்படத்தின் மூலம் தயாரிக்கப்படும் நகைகளில் மாற்றம் ஏதும் தென்படாது எனவும் கூறப்படுகிறது. இப்புதுவித கலப்படமுறை குறித்து பிரபல ஹிந்தி நாளேடு ஒன்று அம்பலப்படுத்தியுள்ளது. இக்கலப்படத்திற்கு காரணமான ரீனியம் எனும் ரசாயனப்பொடி சீனாவில் இருந்து வரவழைக்கப்படுவதாகவும், 100 கிராம் எடையுள்ள இப்பொடி லட்சக்கணக்கான ரூபாய்வரை விற்கப்படுவதாகவும் தகவல் வெளியாகி உள்ளது.