अनेक शेतकरी हे शेतीसोबतच इतरही शेतीपुरक व्यवसाय करतात. या व्यवसायांमध्ये पोल्ट्री फार्म म्हणजेच कुक्कुटपालन हा सर्वाधिक परवडणारा आणि चांगला नफा मिळवून देणारा व्यवसाय आहे. आजघडीला देशभरात लाखो शेतकरी या व्यवसायात उतरले आहेत. हा व्यवसाय उभारताना कमी जागा लागते. कुक्कुटपालन करून अंडी, मांस विक्री करता येते. चांगल्या जातीच्या कोंबड्या असतील तर चांगला नफा मिळतो. लवकर वाढ होणाऱ्या तसेच भरपूर अंडी देणाऱ्या कोंबड्यांच्या दोन प्रजाती खूप प्रसिद्ध आहेत.