மதுரை மீீனாட்சி அம்மன் கோயில் கும்பாபிஷேகம் இன்று காலை 7:40 மணி முதல் 8:10 மணி வரை நடைபெறுகிறது. மதுரை: மதுரை மீனாட்சி அம்மன் கோவில் திருக்குட நன்னீராட்டு பெருவிழாவை முன்னிட்டு 50 ஆயிரம் பேருக்கு அறுசுவை விருந்து படைக்க தடபுடலாக ஏற்பாடு செய்யப்பட்டுள்ளது. பிரம்மாண்டமான இப்பணியில் 500-க்கும் மேற்பட்ட தன்னார்வலர்கள் தீவிரமாக ஈடுபட்டுள்ளனர். மதுரையில் இன்று (செப்.17) நடைபெற்று வருகிற அருள்மிகு மீனாட்சி சுந்தரேசுவரர் திருக்கோயில் திருக்குட நன்னீராட்டு பெருவிழாவை முன்னிட்டு, பழமுதிர்ச்சோலை திருவருள் முருகன் பக்த சபை டிரஸ்ட் சார்பில் 50 ஆயிரத்துக்கும் மேற்பட்ட பக்தர்களுக்கு அன்னதான விருந்து வழங்க ஏற்பாடு செய்யப்பட்டுள்ளது.