Maharashtra Winter Session 2026: दुष्काळाच्या पार्श्वभूमीवर विधिमंडळाचं हिवाळी अधिवेशन कुठे होणार याबाबत लढवण्यात येत असलेल्या अनेक तर्कवितर्कांच्या पार्श्वभूमीवर अखेर हे अधिवेशन नागपूर येथेच घेण्याचं निश्चित करण्यात आलं आहे. विधिमंडळ कामकाज सल्लागार समितीच्या बैठकीत अधिवेशनाच्या आयोजनाबाबतचा अंतिम निर्णय घेण्यात आला आहे. हे अधिवेशन ७ ते १८ डिसेंबरदरम्यान सुमारे दोन आठवडे चालणार आहे. राज्यात असलेल्या दुष्काळी परिस्थितीच्या पार्श्वभूमीवर हे अधिवेशन मुंबईतच घेण्याची मागणी केली जात होती.