રાજ્યભરમાં ખાદ્ય ચીજવસ્તુઓની ગુણવત્તા સુનિશ્ચિત કરવા અને ગ્રાહકોના સ્વાસ્થ્ય સાથે થતા ચેડાં અટકાવવા માટે આ મહત્વપૂર્ણ કદમ ઉઠાવવામાં આવ્યું છે. ABP અસ્મિતાના લોકપ્રિય કાર્યક્રમ 'હું તો બોલીશ'ની અસર હેઠળ ગુજરાતભરમાં આરોગ્ય વિભાગ દ્વારા ‘ઓપરેશન હેલ્થ’ અભિયાનનો આરંભ કરવામાં આવ્યો છે. આ વિશેષ ઝુંબેશ અંતર્ગત, આરોગ્યમંત્રી પ્રફુલ પાનશેરિયાની અધ્યક્ષતામાં આરોગ્ય અને ફૂડ એન્ડ ડ્રગ્સ વિભાગ દ્વારા સંયુક્ત રીતે નાગરિકોને આઈસ્ક્રીમ અને ફ્રોઝન ડેઝર્ટની ગુણવત્તા બાબતે માહિતગાર કરવામાં આવી રહ્યા છે.