मंचर, ता. १७ : पुणे जिल्ह्यातील ऊस उत्पादक शेतकऱ्यांना योग्य व समाधानकारक ऊसदर मिळावा, यासाठी जिल्ह्यातील सर्व साखर कारखान्यांच्या प्रतिनिधींची तातडीने बैठक आयोजित करावी, अशी मागणी स्वाभिमानी शेतकरी संघटनेच्या शिष्टमंडळाने जिल्हाधिकारी जितेंद्र डुडी यांच्याकडे केली.मंगळवारी (ता. १७) सायंकाळी पुणे येथे जिल्हाधिकारी डुडी यांची शिष्टमंडळाने भेट घेऊन यासंदर्भात सविस्तर चर्चा केली. कोल्हापूर, सांगली व सातारा जिल्ह्यांपाठोपाठ सोलापूर जिल्ह्यातील जिल्हाधिकाऱ्यांनी पुढाकार घेऊन साखर कारखानदार व शेतकऱ्यांच्या बैठका आयोजित केल्या.