सोमाटणे, ता. १७ : यंदा पावसाचे प्रमाण घटल्याने आणि धरणांतील पाणीसाठा वेगाने कमी होत असल्याने पवनमावळातील शेतकऱ्यांनी संभाव्य पाणीटंचाईचा विचार करून ऊस लागवडीचे क्षेत्र कमी केले आहे. बारमाही पीक असलेल्या उसाऐवजी कमी पाण्यात आणि अल्प कालावधीत चांगले उत्पादन मिळवून देणाऱ्या कांदा पिकाला शेतकऱ्यांनी पसंती दिली आहे. तसेच ज्वारी, हरभरा, गहू, वाटाणा आणि मसूर या पिकांच्या लागवडीतही वाढ होत आहे.