शिंदेसेनेच्या नेत्यांकडून बाळासाहेब ठाकरे यांचा फोटो फाडल्याने उद्धवसेना आक्रमक झाली. मुंबई महापालिकेत उद्धवसेनेच्या नगरसेवकांनी घोषणाबाजी करत शायना एन.सी यांच्या प्रकारावर निषेध नोंदवला. मुंबई - स्वातंत्र्यवीर सावरकरांवर अपमानजनक लेखन केल्याचा आरोप करत शिंदेसेनेच्या नेत्यांनी काँग्रेसच्या माजी अध्यक्षा सोनिया गांधींविरोधात आक्रमक पवित्रा घेतला. बाळासाहेब भवन येथील पत्रकार परिषदेत शिंदेसेनेच्या नेत्यांनी सोनिया गांधी यांचं पुस्तक फाडलं. मात्र यावेळी शिंदेसेनेच्या नेत्या शायना एन. सी यांनी बाळासाहेब ठाकरे यांचा फोटो फाडल्याने नवा वाद निर्माण झाला आहे.