Nitin Gadkari Statement: કેન્દ્રીય મંત્રી નીતિન ગડકરીએ દેશના પરિવહન અને માળખાકીય વિકાસ અંગે મહત્વના ખુલાસા કર્યા છે. તેમણે જણાવ્યું હતું કે પરંપરાગત પેટ્રોલ-ડીઝલના વિકલ્પ તરીકે બાયોફ્યુઅલ અને ઇથેનોલ અપનાવવું હવે અનિવાર્ય બન્યું છે. તેમણે સ્વીકાર્યું કે દેશમાં હાઇવે અને રસ્તાઓનું નેટવર્ક વિસ્તરવાની સાથે વાહનોના વપરાશમાં બેફામ વધારો થયો છે, જેના કારણે પર્યાવરણને નુકસાન પહોંચી રહ્યું છે અને દેશના કુલ પ્રદૂષણમાં વાહનોનો હિસ્સો લગભગ 40 ટકા જેટલો મોટો છે.